《IRLTS》I REALLY LOVE TO SING企划-第十回《星战》群星 X 古巨基是的，其实有第十首。Surprise！去年7 月公布了企划9位合作单位，偷偷的隐藏了一首既是彩蛋，更是让《IRLTS》phase 1 意义圆满的大合唱作品。小学时候已经钟意听歌唱歌，日日喺屋企唱背歌词熟过背课本，节衣缩食悭悭埋埋买cassette带嘅我，唔敢发梦有自己嘅舞台，十几岁时只敢去当时流行嘅卡拉OK大厅，递纸仔轮台号出去企上一级楼梯仔咁高嘅蚊型小舞台，享受一晚可能轮到两三次有伴奏嘅唱歌乐趣。毕业后做过跟车、售货员、戏院带位最后幸运地入咗行，做路人甲、节目主持人、电台DJ，我，还是歌不离口。终于，1994年某日，幸运之神醒了我一个机会让我遇上了唱片公司艺能动音，我的音乐梦终于踏出第一步～然后，下删N个字幸运地唱到了2023的今天。我真系好钟意唱歌，亦都好钟意成日碌YouTube搵啲好钟意唱歌嘅新声音唻听。 （新声音包括咗歌声和音乐风格）听完佢哋嘅歌再去揾佢哋嘅访问睇，有啲冇唱片公司自己一脚踢；有啲签咗公司仍在默默耕耘；有啲年资较浅在寻找路径；有啲年资较深在迷惘前路。但系佢哋嘅共通点系-能坚持几耐就继续坚持。呢首2005年《星战》慨歌词，系好多钟意唱歌嘅人嘅内心感触和祈盼。喺2023年呢个版本，如果当中19个单位对你唻讲系新名字嘅话，请不妨开始follow佢哋留意下佢地嘅音乐；如果你觉得「都唔识嘅」「唱到咁」，请给他们多一点建议和时间，佢哋一定会进步。当然，更期待你可以发掘下呢19个单位以外嘅更多新声音，现在嘅香港乐坛其实系同时存在喺传统媒体和新媒体当中，上网去点击下佢哋嘅歌，等佢哋知道佢哋努力造嘅歌系有人听到嘅。「个个识唱我的歌」，系每个钟意唱歌嘅歌手都祈盼嘅心声。