00:00/00:00
外链地址
http://www.eemp3.com/audiofile/e4b764d387eba3495e4c1209a046ffa2.mp3
点击复制Mna Fei - Niam Daim Ntawv Kawg
Tus Hu : Deathrhyme
Kuv cov me tub me nyuam
Mloog daim ntawv es niam sau rau nej
Niam mus zaum no
Tsis yog cuav zej cuav zos
Ob peb hnub
Es niam yuav luag ntxhwv ntxhi rov los
Ncaim mus zaum no
Ces yuav tag nrho ib tiam
Nim suj ziag mus nrhiav
Los tsis muaj tus zoo li nej niam
Hauv lub ntiaj teb no
Niam yog tus hlub nej tshaj
Muaj ib daim zoo los nej niam
Nim tseg ziag rau nej hnav
Muaj ib pluas qab los nej niam
Twb tsis tau saj
Niam cia rau nej noj
Ntshai tswg tsam nej ho tsis loj
Niam ua kab ua noog cawm nej
Txawm yuav khaub hlab yuav pluag
Tsuas kom niam tej me nyuam
Tsis txhob mus ntshaw luag
Niam yuav txom nyem
Los tsuas kom niam tej me nyuam muaj
Niam lub neej
Txawm tias yuav ntsib kev nyuab
Niam zais ntsis tsis cia nej pom
Niam lub kua muag
Es zaum no tsis muaj niam lawm es
Leej twg yuav los hlub
Leej twg yuav los ntxiv los ntxhua
Tiv thaiv nej thaum nag los ntub
Txawm lub kua muag ntsws
Los koj nim quaj twj ywm
Vim zaum no yuav tsis muaj
Niam cev tes los plhws
Niam zoo li lub hnub
Uas twb ploj tim npoo ntuj
Txog nyuj laus caij ces nyuj
Laus yuav qaug
Niam tej me leej twb
Pim mus ua leej tsaug
Tseg kuv cov me nyuam nyob tom qab
Ntshe kua muag yuav ntws si
Yuav nrhiav tsis tau niam lawm mog
Kuv cov me nyuam tsis txhob quaj
Nco ntsoov tias
Niam txoj kev hlub nws yeej tsis ploj
Ua neeg nyob
Hauv lub ntiaj teb kuv cov me nyuam
Yeej hla tsis dhau lub hleb
Niam tsis yog me kab me ntsaj
Es yuav pis tau daim tawv
Pa tu lawm ces
Tag ib sim
Yeej yuav sawv tsis tau lawm
Nej nyob ces nej sib hlub
Thiab nej sib pab ua lub neej
Tsis txhob sib ntxub
Sib pab txhawb nqa lub neej thiaj li tsheej
Noog niam cov lus
Ua neej nyob
Tus muaj ces yuav tsum hlub tus pluag
Ho txawm tsis muaj los
Tus pluag yuav tsum cev tes mus hlub tus ntsuag
Lub sij hawm nim luv ua luaj
Daim ntawv los hais twb tsis txhua
Yuav sau ib puas daim los
Niam nim ua tsis tau niam lub kua muag
Yuav sau ib phav daim los
Niam tsis xav pom niam tej me nyuam quaj
Niam xav cev tes los plhws
Los ntshai tsam nej ua kub ua no
Zaum no nej niam
Ces tsuas yog tus ntsuj
Tus xyw lawm xwb mog
Zaum no dab muaj dab kab
Neeg muaj neeg kev
Los niam lub yeej koob yeej huam
Yeej yuav caum nej
Kuv cov me nyuam
Niam yuav tsis hnov qab nej