00:00/00:00
外链地址
https://www.eemp3.com/audiofile/1a438eafa542f49a091e0d79eeee645f.mp3
点击复制海风 - 顶楼的马戏团
词：顶楼的马戏团
曲：顶楼的马戏团
上海个风 吹到西又吹到东
要吹到何里 从来就呒没人能搞得懂
伊勒长江口一吹就吹了几百年
拿一帮小鬼头吹成了老朋友
上海个风 吹出来陆家嘴个摩天高楼
一幢高过一幢勿造到天堂是誓勿罢休
伊拿石库门一扇扇吹成功了新天地
再拿新天地吹到了全国步行街个高头
上海个风 吹脱了一个叫卢湾个区
要是好吹估计要拿高头个梧桐树也侪要吹得去
伊拿静安寺吹得像世博会个泰国馆
再拿弄堂个小人一批批吹到了城乡结合部个郊区
上海个风 吹来了外地人到上海打拼
勿知勿觉吹出来2300万上海人
再拿上海人吹到了澳洲美国加拿大
七大洲五大洋到处侪有阿拉朋友亲眷
亲爱个上海 今朝侬吹个是啥个风
为啥体总有点佝叽叽勒我胸口
亲爱个上海 听说世界将要天下大同
但请侬告诉我 究竟想要我哪恁做
上海个风 吹出来十几根地铁线
内环中环外环接牢仔一圈是又一圈
伊拿汽车牌照吹成功一部新车子个价钿
但往往开车子最绕个路线就是最快个路线
上海个风 拿滑稽戏吹进了电视机
让滑稽戏搿门艺术变得是越来越滑稽
从屏幕里就好像看到一帮猢狲勒海出把戏
伊拉恨勿得冲出来硬劲呵侬个痒欠欠
上海个风 拿上海闲话从上海滩吹个干净
吹出一代代只会讲国语英文个上海小人
要听正宗上海闲话只好去看“新老娘舅”柏万青
柏阿姨就是万千上海人心目中个包青天
上海个风 吹季风吹脱了季风书园
拿国际奢侈品牌打包吹进了南京路西
现在整个上海大概只有几粒老城隍庙个五香豆
为“上海制造”维持点罪过八腊个虚荣心
亲爱个上海 今朝侬吹个是啥个风
为啥体总有点佝叽叽了我胸口
亲爱个上海 听说世界将要天下大同
但请侬告诉我 究竟想要我哪恁做
亲爱个上海 明朝侬又要吹啥个风
为啥体总有眼吓咾咾了我心中
亲爱个上海 听说世界已经天下大同
但请侬原谅我 还是拎勿清该哪恁做
上海个风 吹到东又吹到西
要吹到何里 老早就呒没人再会去关心
伊拿上海人吹得是越来越呒没脾气
想寻开心只好去顶楼马戏团看马戏
想寻开心只有去顶楼马戏团看马戏
其他人正在听的歌